الاستعداد الجنسي قبل الزواج بشهرين

▪توقف تماما عن الإباحية فأنت لا تعرف حجم الضرر الذي توحِلُ نفسك فيه بهذه القباحة والقرف، نفسيا وبدنيا وهرمونيا وقدرة جنسية، ويُعينك على ذلك  مجموعة ‏واعي هؤلاء الأفاضل الذين بذلوا وقتهم وجهدهم لله.

▪لِتُعانق الكمال توقَّف عن التدخين، لإنه والله الذي لا إله غيره بيصيبك بالعجز الجنسي، حتى لو انت سليم دلوقتي... هي مسألة وقت يا صديقي.
▪خِس، وده يعني لو انت وزنك زائد تروح لطبيب التغذية يخسسك.

▪انزل امشي في الشارع نصف ساعة أقل حاجة كل يوم.

أقرا ايضا
كيفية التخلص من الخوف قبل ليلة الدخلة

▪تحت أي ظرف تنام كويس جدا 8 ساعات في اليوم.
▪تحت أي ظرف متسيبش الصلاة.
▪اعمل حجامة عند مركز محترم بإشراف أطباء أو حجَّام معروف.
▪تعمل لي بعد كل صلاة 5 تمارين ضغط و 5 تمارين بطن و 5 تمارين كيجل في المكان اللي صليت فيه مفيش حاجة تحرج في كده ومحدش ليه عندك حاجة.
▪تشرب مياه كويس جدا يوميا يعني فوق الـ 3 لتر، ومتستناش لما تعطش.
▪تدخل الحمام كل 6 ساعات ومتستناش لما تتزنق، واوعى تحبس البول علشان انت مكسل تقوم وتسيب الماتش أو أي حاجة بتعملها.
▪الضغط والتوتر والقلق والاضطراب كل دول عندهم مقدرة مذهلة إنهم يطلعوا ميتينك في الجنس، ويخلوك سوسن بالمعنى الحرفي، فـ ابعد عن القلق والتوتر والاضطراب والضغط بقدر استطاعتك، وروق على مزاجك وهوي على بضانك وبطل نرفزة عا الصغيرة والكبيرة، وخليك بارد كده وهادي يا صديقي.
▪اوعى وإياك نهائيا تاخد أي محفزات جنسية، إنت انسان طبيعي جميل كامل متكامل تعدي في أي حاجة وانتصابك زي الفل وحالتك الجنسية كمان زي الفل، ده الطبيعي حتى لو كنت بتعمل عادة سرية كل يوم، احنا قايلين في صدر المقال تبطلها هي والإباحية علشان ترجع لكمالك اللي ربنا خلقك عليه.
▪متاخدش عقاقير أو حقن بترفع نسبة التستستيرون إلا بأمر الطبيب.
▪مهم بالنسبة لي جدا إنك تفهم إن مفيش أكلة بتخليك جنسيا جامد دلوقتي، الكوارع أسطورة، والحمام أسطورة والعكاوي أسطورة وكل الأساطير اللي اتقالت عن أكلة بعينها تخليك تهد الجبل دلوقتي كلام مصاطب ملوش أي سند علمي، فتهتم بغذائك علشان تدي لجسمك مساحة إنه يبقى جامد في المطلق.

طيب ناكوليه‼
جرجير كرفس بقدونس خس فجل سبانخ وملوخيه، لحم الديــ ــك الرومي، زبادي ومنتجات ألبان، فول سوداني، حُمص، سمسم، كاجو، سلمون، جمبري ومحار وطرح البحر بشكل عام، أڤوكادو، زبيب، جميع الفواكه، وركزلي عا البطيخ والرمان، زنجبيل بقى وطلع نخل وجنين قمح وحبوب بروبليس وحبوب لقاح وغذاء ملكات النحل، وعسل نحل جبلي، والقرفة، ولبن الناقة، واسبايرولينا، وجنسنج كوري أحمر 💜
ده الغذاء بمعناه الحقيقي، دي اللي بيدي جسمك الـ إلـ أرجينين و الـ إلـ كارنتين اللي بيقوموا بأعظم دور في إنتاج الناتريك أوكسايد علشان الدم يجري في جسمك ويوصل بسهولة لكل حتة، وده بيخلي كل مُفرزات الهرمونات في جسمك شغالة بجودتها، وده بيخلي انتصابك هايل.
أو ممكن جدا تستخدم المكملات الغذائية اللي بتمُد جسمك بالمادة الخام من الزنك الـ إلـ كرنتين وأرجينين وغيره مما يحتاجه جسمك، وده هيكون أفضل وأوفر من الغذاء نفسه، ولا غناء عن الغذاء " هابقى أحط لك في الكومنتات لينكات "

مناكولش إيه‼
مناكلش زيوت مهدرجة ولا طماطم مسبكة ولا سمين، ونبطل رمرمة الشارع وعربيات الكبدة وقطع غيار البقر اللي بتتقلي في زيت عربيات دي، نتوقف تماما عن المُعلَبات اللي فيها مواد حافظة.
▪قبل ليلة الدخلة بقى بأسبوعين تذاكر بوست المراجعة النهائية، وهحط لك الرابط بتاعه في التعليقات هنا، البوست ده يتذاكر مش يتقرأ، يعني تجيب ورقة وقلم زي غيرك من اللي سبقوك وتقعد تذاكر وتحفظ وتراجع، علشان ده فيه كل حاجة عن ليلة الدخلة لحد الصباحية .. كل حاجة كل حاجة.

⭕️ اللي فات حمادة واللي جاي حمادة تاني خالص 💜
ليلة الدخلة ليلة سهله جدا وعادية جدا، وبسيطة وغير معقدة ومفيهاش كلاكيع ولا حوارات ولا انت هتهد الجبل ولا مستني نافورة الدم ولا أي هبد من الكلام ده، ولا هتقابل فيها مشاكل خالص بإذن ربك العلي القدير.
لكن كل المقدمة اللطيفة دي متخلينيش أتجاهل المشاكل اللي وصلتني أنا شخصيا وتعاملت معاها من العرسان الجُداد.

انتصاب
تباينت المشكلات اللي جاتني بين حد
🔘 بتاعه مبيقفش مع مراته بس بيقف في أي خرابة تانيه حتى لو شاف وِرك معدي قدامه هيقف.
🔘 أو حد عنده انتصاب زي الفل وأول ما يقرب منها ويحاول يدخله يقع منه.
🔘 أو حد عنده انتصاب زي الفل وعرف يدخله بس في النص وقع منه.
فـ ركز معايا علشان تعرف حل كل المرقعة اللي فوق دي.
ده كله اسمه ضعف انتصاب نفسي
يعني مش عضوي، علشان حضرتك بتاعك بيقف عادي، ولو دخلت الحمام دلوقتي من غير الموبايل وحاولت تداعبه هتلاقيه طلع من الشباك من كتر ما هو منتصب، ولو ركبت ميكروباص هتلاقيه خرم لك الترنك، ف انت عضويا سليم، فـ أي حاجة تانيه هي محض علوقية 🙂 وأنا أول مرة استخدم اللفظ ده في الجروب ومش مسموح لـ حد يستخدمه في التعليقات، وإلا التعليق هيتحذف.

طيب نتجاوز العلوقية دي ازاي‼️
▪متستعجلش الدخول ليلة الدخلة، محدش في الكوكب بيُلزمك إنك تهاها النهارده، ولا ده يعُض في رجولتك، ولا يُنقص منك، ولا محتاج تبرر، خدها في حضنك وقل لها خلينا نستريح النهارده وناموا، لإن وارد جدا إرهاق الفرح يكون السبب.
▪اعرف تماما بينك وبين نفسك إنك سليم وزي الفل.
▪متخادش أي محفزات انتصاب، وارمي في الزبالة كل اللي أصحابك حطوهولك في جيب البدلة.. ملوش لزمة وانت سيد الرجالة ومش محتاج.
▪عايزك طول اليوم تتحـ.ـرش بيها في البيت، وهزار وضحك ومداعبات، ومتفكرش ولا مرة إن المره دي هي اللي انت هتدخل فيها.. خالص خالص.. طيب لو اللعب ده راح لمنطقة الإيلاج، كمل 🙂 بدون تفكير وبدون ترتيبات وبدون لخبطة انتظار الوصول 🙂 انت مش في امتحان ومستني تجاوب وتنجح.
▪لا تفكر في الانتصاب نهائيا، نهائيا، نهائيا، ولو انتصب متفكرش يا ترى هيكمل ولا هيقع، لإنه أقسم بالله هيقع، وده مش سحر ولا شعوذة، ده العلم حضرتك، الانتصاب محتاج مخك يكون على اتصال بعضوك الذكري وشغالين يبعتوا لبعض إشارات، عمك عزت يقول للمخ انا تمام اديني كهرباء يا مخ، ومخك يقول لعضوك وأنا تمام يا حب خد كهرباء.. المخ هو المحول الرئيسي اللي بيبعت الكهرباء لعضوك علشان ينور 🙂 فلو حضرتك فصلت فيشة المحول الرئيسي يا ترى هينور ازاي؟
▪ده معناه انك تستمتع بالجنس بلا تقييم، يعني العب واتبسط واستمتع، ربنا عمل لنا الجنس الحلال ده علشان نستمتع بيه مش علشان نقيم نفسنا يا ترى جامدين ولا نرمين..
▪متستعجلش الدخول، استعجالك للدخول هيخليك مشدود وده هيخليك متدخلش 🙂 خد راحتك انت مش مأجرها ساعة، دي مراتك يعني عايشة معاك العمر كله، للمره الألف إلعبوا وهزوا واتبسطوا واستمتعوا بالمداعبات، حتى يـأذن الله بدون ترتيب منك.
▪لو الوضع استمر أكثر من أسبوع، خدها وروحوا فندق، غيروا جو وغيروا المكان واتبسطوا، وامشي على نفس الخريطة اللي فوق دي، انت مش رايح الفندق علشان تدخل، انتوا رايحين تتفسحوا وتتبسطوا وتغيروا جو يفك القلق والتوتر.. وشكرا.
▪واعمل جنس صباحي بدل المسائي، لحد ما الدنيا تمشي ألاجه وهتلاقي نفسك بتنط في أي وقت وأي حته 🙂

طنط جيجي
تباينت المشكلات اللي جاتني بين
🔘 يا أسيم أنا مراتي أول ما أقرب من المسائل عندها ترفُصني، وحاولت واتشقلبت وطبطبت وعملت كل حاجة ومفيش حاجة نافعة.
🔘 يا أسيم أول ما ادخَّل حتة منه هي تتعب جدا وتقول لي اطلع مش قادرة.
🔘 يا أسيم أنا بدخل حوالي 3 سم وبعدين الاقي حيطة سد.
ركز معايا علشان نحل كل الهم ده
▪المداعبات علشان نزيل التوتر، وعلشان الاستروجين يشتغل ويرطب المهبل.
▪استخدم مزلق حميمي، هحط لك النوع اللي أثق فيه في التعليقات.
▪هو وضع واحد للجماع متتحنيكش، الأنثى تنام على ظهرها وتتني رجلها الاتنين كل رجل ترسم تمانيه بحيث يبقى باطن كف رجلها الاتنين عا السرير، وسيادتك تقعد بين الفخدين، وحتة مخدة حنينة كده تحت القطنية السفلى عندها، وتمشيلي عمك عزت رايح جاي على طنط جيجي من فوق، مع المزلق.
▪وقت ما تحس إن الدنيا تمام وهي بدأت تدخل في المود، ترجع لورا سِنه وتنزل لتحت سِنة وتدخل لقدام سِنه هتلاقيك شبطت السِن.
▪طيب خلاص السن شبط، هتدخل بهدوء جدا بدون تعانف، مشيت معاك ماشي، لقيتها هي موجوعة، تخرج فورا وتكمل مداعبات بالعضو الذكري من الخارج، وتجرب تاني وتالت، لو مش نافع هتؤجل الجماع اليوم ده، وتبدأ كل يوم لمدة أسبوع تعمل نفس اللي أنا كاتبه فوق ده ومحدش من أهلها ولا أهلك يعرفوا أي حاجة عن بيتكم يا محترم يا رجولة يا شهامة يا جميل انت.. لو فضل الأمر مستمر لأسبوع، هتاخدها وتروح بيها لطبيب النساء، عادة الحالة بتكون صعوبة جماع مش تشنج مهبلي والطبيب بيكتب على مخدر موضعي بيتدهن عند البنت والأمور بتبقى كويسة .. لكن سيب الدكتور هو اللي يحدد، وهسيب لك في التعليقات بوست التشنج المهبلي اللي فيه كل التفاصيل.
▪طيب بتدخل بس مبيعديش أكثر من 3 سم، يبقى توقف الجماع وتاخدها فورا عا الطبيب علشان في احتمال كبير تكون محتاجة تدخل جراحي.
▪طيب كل ما أقرب منها ترفصني والاقي نفسي عا الأرض بعد ما كنت عا السرير، قولا واحدًا تاخدها وتروح لطبيب النساء، لإن في احتمال كبير جدا يكون تشنج مهبلي.
لو سمحت أي تهاون في المطلق في الذهاب للطبيب في الوقت اللي يستلزم فيه الذهاب للطبيب هو محض هبل وهطل ورعونة من حضرتك، انت راجل البيت دلوقتي وكل ما البيت يعنيك وتحت إدارتك، ومفيش حاجة اسمها اصلي مكسوف اروح للدكتور .. هو مش بياع البوزو اللي تحت البيت هتتكسف تروح تحكيله، هو تعب وذاكر وسهر الليالي علشان يعرف يفيد حضرتك ويخلي حياتك كويسة ومستقرة.