تفاصيل البند الانشائى والمعمارى

تفاصيل البند

فى هذا المقال -إن شاء الله- سنناقش البند الانشائى ,

فسنتكلم عن :-

1 – معنى البند.

2 – تفاصيل البند 

3- الفرق بين المواصفات والكود .

أولا:- معنى البند :-

 البند هو مجموعه من الخطوات اللى بيتم عملها فى الموقع لتحقيق متطلب معمارى أو إنشائى , فدور مهندس  التنفي1 هو نقل المشروع من مرحله اللوحات لمرحله التنفيذ فى الواقع , والمشروع أو المنشئ بيتكون من مجموعه مراحل وكل مرحله بتتكون من مجموعه بنود , يعنى ممكن أقوال على أعمال الكهربه بند وأعمال السباكه بند وغيره ,وبالتالى زى ما قولنا إن البند هو عباره عن مجموعه من الخطوات لتحقيق غرض واحد ( غرض سباكه , غرض حداده معماريه, غرض دهانات و غرض ...) ,

وأى بند له تفاصيل  وده اللى هيودينا للجزء التانى من تلمقاله وهو " تفاصيل البند" .... تابعونا

ثانيا:- تفاصيل البند :-

بيكون لأى بند تفاصيل ومراحل شبه ثابته وهى:-

1. مواصفات البند .
2. تنفيذ واستلام البند .
3. حصر كميات واتفاقيات ماليه .
4. مشاكل البند ( فنيه + إداريه ). تنفيذ واستلام البند 

1. مواصفات البند :-

يقصد بالمواصفات كل المعلومات اللى محتاج أعرفها عن البند ( شكل البند +ملامح البند+ الأبعاد الهندسيه للبند + ....) , 

وللمواصفات نوعين :- 

الأول :- مواصفات عامه: 

ودى بجيبها من مركز البحوث فى الدقى وبيتم تبطبيقها فى كل المشاريع .

الثانى:- المواصفات الخاصه :

ودى المواصفات اللى مش هتلاقيها فى مركز البحوث زى مواصفات الجيبسين بورد ومواصفات hdf وفى الحاله دى علشان أفهم البند فبلجأ للستشارى العام للمشروع ومش شرط إن المواصفات الخاصه يتم تطبيقها فى كل المشاريع .

1. تنفيذ واستلام البند :-

وهنا يجى سؤال وهو أيه الفرق بين تنفيذ وإستلام البند ؟

- تنفيذ البند:- هى الخطوات الللى بيعملها الصنايعى علشان ينفذ البند , زى تنفيذ السقف فخطوات التنفيذ بتكون نجاره ثم حداده ثم أعمال كهربائيه وبعد ذلك الصب .

- إستلام البند : - وهى الخطوات اللى بيعمله المهندس علشان يستلم البند من الصنايعى بحيث يطمن ن الصنايعى نفذ البند بالطريقه المطلوبه .

 وهنا بيجى سؤال تانى وهو ... 

        أنا كمهندس تنفيذ ليه أعرف خطوات تنفيذ البند ؟ ما كدا كدا أنا يهمنى أستلم من الصنايعى بعد ما يخلص ؟؟؟

         لان لو أنت مش عارف خطوات تنفيذ البند هيكون سهل جداً على الصنايعى يضحك عليك         لانك وبكل بساطه مش عارف خطوات التنفيذ , والسبب التانى إن ساعات الصنايعى بيكون بينفذ غلط فأنت لو مش عارف خطوات التنفيذ هتستنى لغايه ما يخلص البند وعند الاستلم فى النهايه تفاجئ إن الشغل كله غلط وده هيجى عليك بخساره لانك فى الغالب مش بيكن عندك الرفاهيه إنك تستنى لغايه ما يفك أو يكسر الشغل علشان يبداء من الاول وجديد , 

3- حصر كميات وإتفاقيات ماليه:-

وأنا بعمل حصر للكميات لسببين:-

الأول :- علشان أعرف كميات المون والخامات اللى هحتاجها فى البند علشان لما أطلب من المورد أكون عارف الكميات بالضبط علشان ميحصلش عجز عندى أو يكون فى هالك كبير .

الثانى :- بمعرفه الكميات هعرف أعمل تسعير للبند أى هعرف أحسب تكلفه البند .

واللى بيقوم بعمل الحصر هو مهندس المكتب الفنى ولكن لو أنت شغل فى شركه تحت الأرض بحيث إن عدد المهندسين اللى فى الشركه = واحد = أنت ... ففى الحاله دى أنت اللى هتعمل كل الشغل .

4- المشاكل الفنيه للبند:-

لان طبعاً الدنيا مش وردى فبيكون لأى بند مشاكل سواء من الناحيه الفنيه أو من الناحيه الإداريه , وفى الغالب بتكون المشاكل من الناحيه الإداريه زى مثلاً : السن خلص – الكهربيه قطعت – الحفار عطل - ....

ثالثاً: الفرق بين المواصفات الفنيه والكود:-

الكود:- هو كتاب الغرض منه معرفه كل معلومات التصميم وبالتالى فالغلب معلوماته عن التصميم وعلشان كدا هتلاقى إن فى الكود فى (8) أبواب عن التصميم وباب واحد حزين عن التنفيذ .

المواصفات الفنيه :- بتكو كل المعلومات اللى فيها خاصه بالتنفيذ , ولذلك هتلاقى إن المواصفات الفنيه – بالنسبه لمهندس اللتنفيذ – أهم من الكود .