ياسانده بطلتك روحي / أمال زيدان مبارك
ياسانده بطلتك روحي
وماشية فى ضل دعواتك
تطيب قلبي ضحكاتك
وخاطري لما بتألم
ولما جروحي بتعلم
تشقي الليل وبتعافري
وبتسافري لدموعي بلااااد
بتوه فى الغربه من نفسي
عيون قلبك تدق الباب
ياست الكل والاحباب
بنور قلبك بتلقيني
ياشايله الفرحه بين كفك
بكل الحب تحييني
وبالاخلاص تضميني
تفر الدمعه من عيني
ويتهجي الوجع مني
يا أكتر حضن طمني
و ي سرقني من الأحزان
يا شجرة فروعها ب تضلل
على وجعي
حنان وأمان
يا حضن صديق ولمسة ايد
ت دواى جراحي م الحرمان
بحبك حب يا أمي
يا أجمل نعمه م الرحمن
أمال زيدان مبارك.
