شعر حزين عن الفراق

شعر حزين عن الفراق

0 المراجعات

أنا شوفتك غير 
أرض وشمس وطير 
وبدور وزهور وأمال
وعنيا بشوفها عيال 
هل العيد فابتهجوا
والعالم بيعاني بحظر التجوال
وواقفه دايرة إنتاج
أنا شوفتك كعبه وفرحة حجاج
وعلاج فيروس ملعون
أنا شوفتك ليلي وعشت الدور 
كما قيس مجنون
ممنون لوجودك في حياتي 
فطليت ف الشارع برقصلك
فرحان ساكنه ملاك فيا
وكإنك بتزيحي ف خوف البشريه
وفي إيدك مصل وترياق 
انا شوفت بلاء الدنيا أتزاح فجأه
وأترج العالم علشانك بالصقفه
وكإنك ضهر وحيط وأمان 
وكأني مدان جاله مكافأه
ومرضي العالم زادت بالسلب
أنا فجأه صحيت علي ضربة قلب 
وشيطان علي شكلك دمرني 
كسرني بكل ما أوتي 
من سحر وقوه فخسرني
شدني من القلب وجرجرني 
لبحر الظلمات .
أنا شوفتك وحدك في الكون 
مع إن الكون مليان ببنات
وورد وزهور ونايات 
أصواتها تجلجل بالفرحه
فضحكت وهو بيسحبني
شيطان لبسته زمان واسع 
علي إيدي نزل الشارع بالطرحه
أنجدني إيماني وقواني
بدل حالي فسحبته
وبدعوة أمي صار يجري
جريت وياه ثم سبقته
ده أنا كان مره غالبني شيطان
من وسط العتمه قومت غلبته
قلبته في فحت كان راسمه
ووقعته في شر أعماله 
كان ماله وهو بيجيني 
كان ماله ؟
عقله أوحاله 
إن فيا شاب مطفي
والهزيمه من رحم خوفي 
الحكمه من نصي 
لو حتي كنت شيطان
ماتجيش علي منوفي 
 

هشام سيف. 

 

التعليقات ( 0 )
الرجاء تسجيل الدخول لتتمكن من التعليق
مقال بواسطة

المقالات

49

متابعين

8

متابعهم

1

مقالات مشابة