قصيدة شعر غنائي "ثورة"
0 reviews
ثورة
قصيدة شعر غنائي للشاعرة عايده جابر شاعرة نادي أدب أشمون وبيت ثقافة أشمون المنوفيه ..
نظرة وكلمة وشوق
وحنين النظر لعيونى
وفرحة وبتاخدنى لفوق
يا نجمة فى السما لونى
ولمسة من بعيد لبعيد
مع مشاورة
وايد ويا حضن الإيد
تخدنى بعيد
الملم كل شوق بالإيد
مع محاورة
والون عمر حب جديد
تقوم ثورة
نثور فيها على الأوجاع
ولا نسمح لبعد ياخدنا من تانى
ولا قلبى فى يوم يتباع
فى حضن هواك
أنا وردة يا بستانى
وخطوة جنب خطوة معاك
يدوب لى جفاك
يكون ميه ورويانى
وتنده لى ابص هناك
أدوب فى هواك
تكون لى عبير فى فستانى
وآه من لهفة الأشواق
وانا المشتاق
أخاف تبعد وتنسانى
وبحلم ترجع الأيام
ولو حتى تكون أحلام
تعود الرحلة من تانى
