الارجنتين كأس العالم 2014 ماذا حدث بعدها
في حاجات كتيرة موجودة تكرهها في الأرجنتين تتخطى ميسي, جيل سخيف أكتر من اللازم, يعني بطولة 2014 لو كانت خلصت بسيناريو فوز الأرجنتين كانت هتكون مبلوعة أكتر من الضحك اللي حصل وبيحصل وهيحصل على مدار البطولة دي رغم إنهم ملعبوش كورة وقتها برده أو مقابلوش فرق تذكر على غرار النسخة دي بس مش دي المشكلة لأن ملهاش علاقة ومبتحددش حاجة بصراحة بس شخصيات اللاعيبة مكروهة فعلاً مشوفتش سكواد بالسوء دا في حياتي غير أتلتيكو مدريد في 2013 و2014 والفترة دي.
في عالم تاني مثالي كان هيكون المنطقي الرغبة في فوز الأرجنتين منتخب غايب عن البطولة بقاله عقود قصاد البطل السابق اللي محدش بيحب يشوفه بيكرر انتصاره للمرة التانية عالتوالي عشان يخوضوا عيش تجربة بطل جديد ... بس الحقيقة الواحد بيكره ميسي.
ومش هنختلف على الفان بيز اللي هي يمكن تكون أسوء حاجة وبتدفعك لكده قصاد أي هوا من التعاطف بيجي ناحيته, بس معتقدش إن دي حاجة هتروح لو النتيجة كانت سلبية لأنهم هيفضلوا موجودين والنبرة بتاعتهم دي موجودة لأنها موجودة من قبلها, مش هيرددوا كلام متقالش, الحاجة الوحيدة اللي هتبقى متقالتش قبل كده هي الصورة اللي مش هتبقى فوتوشوب هي صورة المقال من برا بس أو الكابشن بتاع الصورة وخلاص وهو رافع الكأس بدل ما حط إيده على وسطه, ميسي أكتر لاعب في تاريخ الكورة تم مدحه على فشله وسقوطه والطبطبة عليه في أسوء فتراته كانوا بيعملوا نفسهم مش واخدين بالهم فطبيعي إن فوزه هيبقى أسوء بحيث الزخم الإعلامي بس هو مش هيختفي لو خسر بالعكس أنا شايف إن نبرة ميسي طول مسيرته بيخسر وهو بيعمل كل حاجة في الكورة دي هتبقى أسوء لأنها كذبة انتشرت برده ومحصلتش ولا مرة قبل كده غير حد ممكن يعمل أرجيومنت إنها حصلت في نص نهائي دوري الأبطال 2019.
في عالم تاني بعيداً عن السوشيال ميديا ... فوز ميسي مش أسوء حاجة, أعتقد أي لاعب أسطوري بحجمه دا يستحق يحقق كل حاجة باللي قدمه هي بتفرق بياخدها ازاي في الآخر بس برده نقطة التغلب على هاجس كبير والسعادة دي لأسطورة أبدية للكورة مش أسوء حاجة, هو الواحد هيفضل بيكره ميسي ومش هتغير رأي فيه أو في أفضلية رونالدو بالنسبة لي لأنها حاجة مفروغ منها زي ما خسارته مش هتغير رأي محبيه فيه اللي بيقوله عنه وهيقوله عنه أول ما يخسرها.
