مباراة اليوم ⚽️ الارجنتين 🆚 المكسيك ⏲️ 9 مساء 🏟️ستاد لوسيل 🎙️حفيظ دراجي

مباراة اليوم ⚽️

الارجنتين 🆚 المكسيك
⏲️ 9 مساء 
🏟️ستاد لوسيل  
🎙️حفيظ دراجي 

خسارة الأرجنتين اليوم أمام المكسيك تعني خروج ميسي ورفاقه من البطولة رسميا كثاني منتخب بعد قطر..

ترتيب المجموعة الثالثة
1⃣ 🇮🇩 بولندا 4 نقاط
2️⃣ 🇸🇦 السعودية 3 نقاط
3⃣ 🇲🇽 المكسيك نقطة واحدة
4⃣ 🇦🇷 الأرجنتين بدون نقاط

فى أسوء الظروف فعلها ذات ليلة ضد الإكوادور ، إقتلعوا تأشيرة العبور إلى روسيا بـ هاتريك من ميسي ..

فى غرفة الإنعاش ، فى أصعب الأوقات إنتصروا ضد نيجيريا تحت أعين دييغو مارادونا ..

اليوم ذاكرة الناس ضعيفة ، لذا نُذكّركم أن الأرجنتين تُوجت بـ كوبا أميركا من قلب الماراكانا ، الأرجنتين فازت بـ الفيناليسيما ف

ى ملعب ويمبلي ..

الأرجنتين بـ 36 مُباراة دون هزيمة جعلت من الجميع يفرح بسقوطها ، لكل حصان كبوة ، الآن حان وقت التجاوز و النُّهوض من جديد ..

- لجعلها ليلة لـ رد الإعتبار ، و إثبات من هم 🇦🇷

يعني من الاساطير مارادونا كان مرعب في الـBall Compaction، نمط لعب نادر متمثل عند أصحاب القدرات الخاصة في ترويض الكورة وأنت تجري لمسافات طويلة بدون ما لاعب يعرف يقطعها ولا هي تخرج عن تحكمك فيها،

ورغم هذا ميسي غلبه فيها بمراحل، رغم إن أسلوب ميسي الأول هو الـdribbling، نفس نمط اللعب ده لكن لمسافات قصيرة، بالظبط كأن الكورة مربوطة بحبل في رجلك وأنت مجرد بتلمسها لمسات بسيطة علشان تغير مسارها بس،

زيدان أيضا كان رغم إنه بطيء وفيزيائية تكوين جسمه تقول إنه مينفعش يكون بالمرونة دي، لكن رغم كده كان عنده كنترول كورة من الخيال وخِفة برجليه كأنها بَرجَل هندسي، ورغم كده برده ميسي كسبه فيها،

ميسي يا جماعه من إبهاره بدأ مسيرته بإنه skiller مش dribbler، يعني مهاري مش بيتخطى اللاعبين، ورغم كده كان أحسن وقتها من رونالدينيو ونيمار وريفالدو، الناس ممكن تكون متابعتش ميسي ولا شافته في الجزئية دي لأنه لعبها نصف موسم في 2006 وبعد كده غير نظرته للكورة بإنه لازم يكون dribbler علشان رتم اللعب يكون أسرع ويحقق أكبر قدر من التأثير والأرقام وبالتالي الفوز والبطولات،

كريستيانو رونالدو أفضل هداف عرفته البشرية، وفي رأيي كمان عنده أفضل حضور للاعب كورة عرفته البشرية برده، ورغم كده ميسي عنده أعلى نسبة تسجيل أهداف تناسبًا مع عدد دقائق لعبه ومساهماته، وهنا بنتكلم عن إن الـXG أو الأهداف المتوقعة لميسي أقل من رونالدو بنسبة 32%،

ودي مش بس نسبة مرعبة، بل هي نسبة بتدل على إن الراجل ده سجل بعض الأهداف في مسيرته negative، يعني توقعها إحصائيًا بالسالب، يعني في عُرف التكنولوجيا لو إتعادت مليون مرة -مليون مرة بجد مش كناية عن التكرار- مش هتتسجل بنسبة 1% حتى،

جونينيو وبيكهام كان عندهم قدرة خارقة في الكرات الثابتة، بيكهام كان عنده تحكم غريب في ميل جسمه وقت الكرات الثابتة والمكشوفة والمغلقة، بيعرف يفتح عرض جسمه إمتى وازاي ويقفل العرض ده برده إمتى وازاي، ورغم كده ميسي أفضل منهم فيها برده،

إنييستا كان مرعب في التمرير، تشافي كان عنده أفضل معدل ذكاء عرفته البشرية تقريبًا برده، ورغم كده ميسي تخطاهم بنسب كبيرة فعلًا، وفوق كل ده بقى، ميسي كمان عنده أعلى إستمرارية للاعب كورة على الإطلاق،

لك أن تتخيل يعني إن ميسي بعيدًا عن أول موسمين لعب فيهم بإستمرار وهم 2007 و 2008 واللي إحصائياته فيهم أقل من إحصائياته بعدهم بطبيعة الحال، كانت الكورة بتشهد أفضل جناح insider إنسيابي في تاريخ الكورة لحد 2010، ميسي وقتها كان جناح يمين ووقت ترحيل اللعب على اليسار كان بيدخل في العمق كمهاجم علشان بيلعب بشماله، وبدون الكورة كان بيكون roaming وبيتحرك في كل مكان في الملعب،

مش علشان يصنع الفرص زي ما أنت فاهم أو يتحكم أكتر في مراحل اللعب، لكن علشان يكون هو أول لاعب بيضغط عكسي وقت فقد الكورة ويكون أول لاعب بيهاجم اللاعبين والمساحة لحظة التحول الهجومي، ليه ريكارد كان بيوظفه كده؟ علشان هو لاعب وحشي، عامل زي التور الهائج حرفيًا لما بيشم ريحة الكورة، في أوروبا بيقولوا لفظ "animal"،

جوارديولا وصف ميسي هنا قبل ماتش باريس ضد السيتي الموسم الماضي في دور المجموعات في دوري الأبطال اللي باريس كسب فيه وهو بيكلم لاعبيه بيقولهم نصًا.. "عارفين ليه ميسي أفضل لاعب شوفته في حياتي؟ علشان هو animal، أول ما بيشم الكورة بتلاقيه بياخدها وعايز يدخل بيها الشبكة، الموضوع مش بس مرونة وقدرة بل شغف وتلذذ بتعذيب الخصوم وتحقيق النجاح المستمر بدون شبع"،

كان بيقولهم الكلام ده علشان لما لاعب يمرر في المقدمة يهاجموا بأكبر قدر من الزيادة العددية في منطقة الخصم والكل يكون عايز يسجل ويصنع ويأثر في المباراة،

بعد الفترة دي ونرجع لمرجوعنا يعني عن نقطة الإستمرارية، كل اللاعبين اللي ميسي غلبهم في أفضل ميزة عندهم كان ده مش كافي، بل هو شخص بيعمل كل حاجة في أي وقت وضد أي خصم ومع أي حد معاه، فكرة إنك تمارس دور سوبر مان منقذ المدينة كل ماتش لمدة 60 مباراة وأحيانًا أكتر لأكتر من 15 سنة ده شيء غير آدمي ومش بيتطلب من بني آدمين، شيء قاسي أصلًا،

وقاسي هنا مش لوصف النموذج البشري وطبيعته بس، بل وصف ميسي نفسه وهي دي الفكرة من كل المكتوب، يعني الناس وضعت ميسي في خانة أساطير Marvel، ومن هنا إبتدت مفارقة سخيفة، إن إجبار على ميسي يعمل كل حاجة في كل ماتش دائمًا طالما هو بيعمل ده دائمًا فعلًا، بل إنه يكون سيء ومش في يومه لو كان مش كده كل ماتش وإكتفى بهدف أو أسيست، وده طبعًا مستحيل،

والأهم بقى، إنه حتى لو حصل ده بشكل متكرر فقيمته هيتم فقدها، والناس مش هتقدره التقدير الكافي، وأصبح ميسي نفسه هو الخاسر الحزين في الآخر؛ لو عمله؟ فتمام، ده العادي، لو معملوش؟ فـ دي مشكلة، حتى لو كان أفضل لاعب في الفريق في كل لحظات الإنهزام.

- علشان كده، بعيدًا بقى عن أسباب تراجع مستوى ميسي الموسم الماضي في باريس، بعيدًا عن توظيف بوتشيتينو الظالم واللي حجّمه، وبعيدًا عن إنه راح بيئة جديدة بعد ما قضى حياته كلها في بيئة معينة، وبعيدًا عن شغفه اللي قل تمامًا الموسم الماضي، والطريقة المُهينة اللي خرج بها من برشلونة،

كل ده، كان لازم الناس تشوفه فعلًا، كان لازم ميسي يرجع خطوتين ورا علشان الناس تقدّر ميسي بجد، فكرة إنك دائمًا بتعمل كل حاجة بأفضل شكل ممكن ده بيفقد قيمة اللي بتعمله علشان بقى ده العادي والمتوقع بالنسبة لك،
وهناك ملايين في الأرجنتين نفسهم يعيشوا الحلم ده ان ميسى يرفع كأس العالم ومش بس يعيشوا الحلم ده وخلاص، بل يعيشوه والراجل ده هو قائد منتخبهم،

الحلو في قصة ميسي اللي هي في فصلها الأخير تقريبًا، إنك حاسس إنك أنت اللي بتسجل الهدف مش بس هو، أنت اللي كل الجمهور في الملعب بيشاور عليك مش بس هو، أنت اللي هتحقق كأس العالم وعايز تحققه مش بس هو، الحلو في القصة دي إنك بتشاركها معاه كأنك هتشاركه في إنجازه فعليًا من شخص فرّحك كتير في حياتك وعِشت معاه ذكريات كتير مش هتنساهاا .