إزاي تتخلص من الطاقة السلبية في البيت وتحس بالراحة من أول يوم؟
إزاي تتخلص من الطاقة السلبية في البيت وتحس بالراحة من أول يوم؟
كلنا بييجي علينا وقت نحس فيه إن البيت مكتوم، مش مرتاحين، فيه خناق كتير أو إحساس بالضيق من غير سبب. ده مش خيال، دي طاقة سلبية، والنهاردة هقولك إزاي تطردها بخطوات بسيطة تحس بيها فورًا.
أول حاجة: ايه سبب الطاقة السلبية؟
الخلافات الكتير أو العصبية المستمرة
تراكم الحاجات القديمة واللي مالهاش لازمة
عدم التهوية ودخول الشمس
وجود ناس بيبصوا أو بيحسدوا ومش بيحبوا الخير
الموضوع مش سحر ولا خرافة، دي حاجات فعلًا بتأثر على نفسيتك والمكان اللي عايش فيه.
طيب نعمل إيه؟ خطوات عملية وسهلة:
1. افتح الشباك والباب
ابسط وأهم خطوة!
كل يوم الصبح، حتى 10 دقايق، افتح الشباك والباب في نفس الوقت، خلي الشمس تدخل والهواء يتجدد.
الهواء الطبيعي بيمتص أي طاقة سلبية ويحط مكانها إحساس بالانتعاش.
2. شغّل سورة البقرة
فيه ناس بتستغرب، بس فعلاً سورة البقرة بتغير الجو تمامًا في البيت.
سواء شغلتها بصوت هادي من التليفون أو قرأتها بنفسك، هتحس براحة مش طبيعية بعد كده.
3. بخور أو ريحة حلوة
البخور مش بس بيعمل ريحة لطيفة، لأ كمان بيمتص الطاقة السلبية.
لو مش بتحب ريحته، جرب شمعة برائحة اللافندر أو البرتقال.
4. ارمي الحاجات القديمة
أي حاجة قديمة مش بتستخدمها، متكدسة ومالهاش فايدة، بتخزن طاقة وحشة.
ابدأ يوم الجمعة بكيس زبالة كبير، ولف على البيت.
هتتفاجئ قد إيه المكان هيتفتح ويحسسك إنه واسع ومريح.
5. رتب السرير وخلي شكله مريح
غريب؟ لأ، لأن أول ما تصحى وتبص على السرير مفروك أو مكركب، ده بيأثر عليك طول اليوم.
جرّب ترتبه وتغير الملاية، حتى لو مرة في الأسبوع، وركز على الألوان الفاتحة.
6. كلم حد بتحبه أو تصدق لوجه الله
أوقات طاقة البيت بتتأثر بطاقة قلوبنا. لما تدي أو تتكلم مع حد يريحك نفسيًا، بتحس إن البيت نفسه اتغير.
خلاصة المقال:
الطاقة السلبية بتأثر على مزاجك وحياتك، بس مش لازم تسيبها تتحكم فيك.
بشوية خطوات بسيطة زي فتح الشبابيك، سماع قرآن، بخور أو تنظيف، تقدر ترجع الراحة لبيتك وتحس بفرق من أول يوم.
