عندما تملك صديقة أغلى من روحك👭

ضلك عدّ نجومك :

- عندي رفيقة بسبب وبلا سبب بتبعتلي "بحبك" ع الواتس ،بالكومنتات ،بالتاغات ،ع التلفون ،و بكل يوم بشوفها فيه .

- عندي رفيقة كل ماتشوف حدا من عيلتي بتركض بلهفة وبتسألو عني ،بتطمن ببسمتهم ، بتضحك بلا مسبب ، و بتقلون بصوت عالي سلمولي عليها كتير .

- عندي رفيقة بتحجزلي حدها بكل مقعد ،بتساعدني بالمحاضرات ،بتجيب نسخة إلي بدون ما إطلب ،بتفيقني الصبح قبل المنبه ، بتدق كل شوي تسألني وين صرت ،بتجبلي علاماتي ،وبتحلي إنجازاتي وبتدعمني .

- عندي رفيقة مابتعرف تحكي كلمتين حلوين ،بتعصب علي ،بتخانق ،بتنساني كتير أيام ،بس بتسمعني لما كون مدايقة ،بتطبخلي الأكلات يلي بحبا ،بتحاول تعدل تصرفاتها معي وتوضحلي إنها مابتعرف تكون ألطف من هيك .

- عندي رفيقة بخطر ع بالها فجأة وهي عم تقرأ سورة قرآنية سبق وحكيتلا عنها ،بتدعيلي ،بتمر بإحساسي بلحظة فبطلع ع موبايلي وبلاقيها باعتتلي "تذكرتك".!

- عندي رفيقة مشينا أنا وياها دروب طويلة من الفشل عم نتطلع ع بعض ونضحك ونقول" يا نحس" ،بس ضمنياً نحنا التنتين بنعرف إنو نحنا نجاح بعض .

- عندي رفيقة بتتدخل بكل تصرفاتي وقراراتي ،بتنق ،بتنكد ، بس دايماً بكون كلامها صح ولحمايتي بغض النظر عن الأسلوب .

- عندي رفيقة فخورة فيني كتير ،بتشوفني دايماً أعظم وأقدس حدا ،بتخاف عليّ من الزعل ،بتحكي لكل الناس عني ،بتصليلي لكون بخير ،بتعدلني ،وبتذكرني مين أنا .

- عندي رفيقة هي نسخة مني ،نسخة بتشبهني وبترجعني ع بيتي سالمة ..

- بالصعب إوصفها بكلمة "رفيقة درب" بس هي أول حدا دقيتلو خبرتو لما قابلت حب حياتي ،لما طلعت من المشفى ،لما انقبلت بوظيفة العمر ،
أول حدا بيخطرلي إطلب منو شي بحتاجو ،و آخر حدا بقدر نام بعد دمعة من عيونو .

- عندي رفيقة ما جمعتني معها ولا طاولة ولا قعدة بس هل إنسانة كلما ينبض قلبها بتكون عم تشرح أسباب الأمان لروحي ؛

‌‏أنتي ….
قطعة من قلبي  ، و رفيقة روحي و 
الجُزء الجميل من عمري و إن قلّ الكلام 
أنتي أختي و صديقتي التي لا تعوّض 
ولا تستبدل.

عمريتي الحلوة ؛ إذا ماتحملت غصبك ومزاجيتك مابنفع كون رفيقة إلك ؛ 
أنا معك لشوف روحك مرتاحة وقلبك فرحان وعيونك ضحكانة 
بوعد عيونك اللي اخدت قلبي أني احميهن وماخيب ظنك فيي 
بحبك كتير  وسع الكون 🖤 !