كلمة في ودنك: بعض النصائح الهامة لأم جديدة الجزء الأول
كلمة في ودانك
راحة بالك مع راحة زوجك
أحكي لك يا أم يا جديدة بعض القصص اللي بتحصل مع كل الأمهات الجديدة مع ولادها أو مع زوجها، ونحاول نشوف من خلال المقال الجانب السلبي والايجابي من خلال طرق كثيرة للتعامل مع المشكلات، أو بعض القصص الحياتية اللي بتنتج أو بتسبب لك في مشكلة أو لزوجك، ايوه لازم نعرف أن الزوج ابنك البكر وأهم من الأولاد والبنات، عشان ترتاحي، كل ولادك لما يكبرو ها يستقرو في بيوت مستقلة، وتلاقي الدنيا و العيال تاخدهم في عالمهم الخاص زي ما انت خدتك الدنيا والعيال النهاردة وبعدتي عنهم و انشغلتي في دنيتك الجديدة، يمكن انا بكلم زوجة بارة بأهلها وأهل زوجها.. لكن مهما كنت.. من غير مغالطة مش ممكن بعد الزواج والأولاد الوالدين ها يشوفو منكم عناية مثل عناية أولادكم واسرتكم الجديدة، عشان كده بوضح لك يا زوجة يا بنتي يا جديدة، خلي بالك من زوجك أطال الله في عمركما معاً، وفي المقال بهمس في ودنك ببعض النصائح اللي تخليكي تحافظي علي بيتك و استقرار حياتك.
زفاف العروس
اليوم ده أهم يوم في حياتك لانك أول يوم تخرجي فيه من حياتك لوحدك و تدخلي حياة المسئولية، في بيت جوزك أصبحتي سكنه وسره وحياته، عشان كده لازم تختاري الزوج بعقلك وقلبك معاً، سألوني كم سؤال كده حيروني شويه وبعدين عرفت اجابتهم:
السؤال الأول: ليه حالات الطلاق زادت بطريقة مبالغ فيها ؟
السؤال الثاني: ايه السبب في ارتفاع أعمار الزواج ؟.
السؤال الثالث: ما سبب زيادة العنوسة ؟.
والكثير من الأسئلة المتشابه الاخرى، تعالو معانا نقرأ نقرأ ونجاوب.
أولاً: لما بتاخدي راحتك في بيت ابوك و تعمري.. ليه في بيت جوزك بتقصري.
قالت لي الشغل كتير و هو بيعدل عليا.
قلت و بابا و ماما و الواد اخوكي في بيت بابا مش بيعدل عليك، ماما و بابا و اسمن النبي حرصة أخوكي ماكنش مطلع عينكي.
قالت لي أصل فكرة مش زي فكري وطبعه مش شبة طبعي
سبحان الله يازمن انت من بلد وهو من بلد أو حتى لو كان من نفس البلد، عايزاهم يبقو نسخة واحدة ازاي انت من عيلة لها طبعها وتقالدها وأسلوب فكر خاص بها، يا شيخة ده لو اتولدتم مع بعض وتربيتم في بيئة واحدة ها تكونو أكيد مختلفين، اسألي نفسك انت واخوكي متفاهمين؟
سكتت شوية وقالت.. أصل
أخر الكلام وأول نصيحة
مهما قعدتي في بيت أبوكي نصيبك ها يصيبك.. جوزك أبو ولادك مكتوب والقدر هايجمعكما، وربما لايكون! لو كان وأصبحتي زوجة فرحانه يوم الفرح، لازم تعرفي أن الجواز مش بس فرحه، الجواز مش فستان وطرحة، لازم تعرفي أن لازم يكون للبيت قائد تطمني بوجودة وتعتمدي عليه، يحميك ويشعرك بالآمان، ممكن تبقي انت القائد لكن صدقيني لو عملتي كدة مش هاتبقي سعيدة، لان دي حاجات في دمك زي انك بتغكري بقلبك اكتر من عقلك، محتاجة لعقل مدبر يساعدك و تتسندي عليه .
عايزة تشتغل، وهو مش موافق دة أحسن لك يا خايبه ها ترويحي الشغل وتيجي عليكى تحضري الأكل و تجهزية وهو لما يكون محترم يسيبك تجهزي براحتك ويدخل ينام، طب ايه عليكي من التعب ده كله، ده غير العيال اللي لازم تاخدي بالك منهم ويا سلام لو معاكي عيل صغير ينام في الحضانة توحي بيه لازم تراعيه وتذاكري لاخواته وتأكليهم وتنظفيهم.. ما هي ديمسؤليتك الحقيقية، طب ليه التعب ده ما هو ملزم بيكى من ساعة ما دخلتي بيته ملزم بأكلك ولبسك و لو احتجتي علاجك انت أو حد من العيال لازم يجيبه ، لو قصر معاكم يتحاسب ويتلام .
ردت وقالت : انا عايزة احس بكياني
انا معاكي..بس كيانك الحقيقي وفرحتك الحقيفية هي سعادة زوجك وعيالك، وهو ده كيانك الفطري لو اهتمتي بيهم وفرحتي بفرحتهم وزعلتي مع زعلهم، ها تحسي بنفسك أكتر.
انا زهقت.. انا عايشه زي الخدامه في البيت.. كله ليهم، ما فيش حاجة ليا، انا لازم اطلق.
الطلاق كلمة ما تفكريش فيها أصلاً.
ليه هو الطلاق حرام.
لا مش حرام.. بس مكروه.. وانت عارفة كدة كويس.
ايوه بس !!
أخر الكلام والملخص..( حبي بيتك واخلصي له يحبك و يسعدك أكتر ما تتصوري).
لازم يكون زوجك ابنك البكر
لازم تهتمي بجوزك وتعتبريه ابنك البكر، تساعدية وتقفي في ظهره، هو اللي باقي لك، اقدم لك مجموعة نصائح تحطيها حلقة في ودنك.
شهر العسل مش شهر، اللي كنتي بتعمليه في شهر العسل يفضل على طول خلي أيامك كلها تبقى عسل.
الراجل بيحب اللي بيحسسه بأهميته، خلي بالك من دي، على طول تسعديه بالكلام ده.
لو جبتي بيبي ما يخدش كل و قتك و فكرك، رغم إن ده حقيقي بس لو شاركتيه معاكي وفهمتيه يعني مثلاً ( ابنك تعبني وحرمني من قربك، خد البنوته شويه ريحني خليني انام لحظة عشان اسهر معاك لانك وحشني)..وغيرها من الكلمات اللي تتقال عشان يحس انك تعبانة عشان فراقه.
قدمي كل الحب والاحترام لزوجك قدام الناس حتي لو زعلك، ولما تروحي عاتبية براحتك و كمان ازعلي.
قدمي نفسك واهتمي بيه من غير ما تحسسيه إنك بتعملي الحاجة غصب عنك، لكن ده لا يمنع من انك تطلبي حقك.
لو عايزه من زوجك حاجة اختاري الوقت المناسب، مع استخدام سلاح المرأة اللي ما يقدرش عليه راجل.
حاولي تجددي حياتكم في مناسبة تعملي فكرة جديدة ( أسرع طريقة و أكله محبوبة، قاعدة رومانسية داخل أو خارج المنزل، تعيدو زكريات شهر العسل أو حتى تغيري من شكل غرفتك وشكلك) أي فكرة تخطر على بالك أو تقتبصيها من على شبكات الإنترنت تجدد حياتكم وتصحي الحب اللي بينكم.
السؤال الثاني: ايه السبب في ارتفاع أعمار الزواج ؟
السؤال ده اجابته من السؤال الأول، بمعنى أن كترة الخلافات الزوجية عملت خوف عند المقبلين على الزواج.
ممكن تكون الإجابة هي تعليم الفتاه و شغلها خلاها تعتمد على نفسها وتنسى الزواج.
ارتفاع أسعار المهر ( العشا أو اي مسمى) و الشبكة ( وارتفاع أسعار الذهب )وخلافة من طلبات في الشقة و العفش وطبعاً ارتفاع أسعار الأجهزة الكهربائية.
ربما يكون السبب في ضعف امكانية الشاب على دفع ما يطلبه ولي الأمر لبنته العروس المطلوبة.
ومن أسباب ضعف الإمكانيات اللي حصلان في الكتير من الدول العربية اللي كانت الشباب بتلجأ لها، وقلة فرص العمل الحكومي الدائم.
السؤال الثالث: ما سبب زيادة العنوسة ؟.
طبعاً السؤال الثاني يجيب عن السؤال الثالث، كل ما سبق يكون الإجابة على هذا السؤال، والذي ينتج عنه إما الزواج في السن الكبير أو العنوسة، وعدم الزواج نهائياً وخاصة بعد التعود على الحياة المنفردة للجانبين، ويمكن عشان كدة الأهالي في بعض الأماكن بتخاف وتجوز بناتها بسرعة و في السن المبكر،
عايزة أقول لك يا بنتي ياللي خايفة من الزواج ( قالو زمان ضل راجل والا ضل حيط) لو بصيتي ها تلاقي أن المجتمعات الشرقية كلها مش في مصر بس مجتمعات ذكورية معنى كده انك ادخلي في التجربة والتزمي بالنصائح تعيشي مستقرة وسعيدة.
كلمة في ودنك للحفاظ على الزواج المستقر عشان انت مهمة
كلمة في ودنك في ملخص ما قيل، لو حسبتيها تلاقي أن وجودك في بيتك يحسسك بأنك ملكة ووجود زوج معك يبعد عنك كلام الناس ونظرات العيون الطامعة اللي كل بنت حرة ما تستحملهاش، لو حسبتيها صح تلاقي أن زوجك عليه أعباء ومسئوليات أكثر بكتير منك، عشان كده هو محتاج يريح مخة ويهدي أعصابة في بيته و معك، يعني لازم تكوني.
مرتاحة وهادية
ضروري تساعدية على أنه يخرج من اللي هو فيه عشان يكمل المشوار.
لازم تفضي مخة مش تشغلية، ده لا يمنع من أن لك ولولادك متتطلبات لازم يعملها، قوليها لكن في وقت ما يكونش مكتئب أو مشغول الفكر.
حاولي تشاركيه معاكي في مذاكرة الأولاد أو الحفلات، لازم يتابع معاكي التفوق عشان يحس بتعبك.
اي مشوار للدكتور أو للمدرسة يعملة لان دي مسئوليته خليه يحس بيها.
السكن مسئوليتك.
السكن اللي ربنا اشار اليه وخص به الزوجة يعني كتير يعني مثلاً:
الراحة والهدوء.
انت لما تكون تعبان تروح السكن عشان ترتاح.
لما يكون الجو حر أو برد أو فيه مطر بتجري على السكن.
السكن هو الملاز والشعور بالآمان.
شفتي قد ايه انت مهمة.. والله انت مهمة.. بس حسي ببتك وبزوجك وحسي بأهمية نفسك تلاقي نفسك انك العمود اللي لو وقع وقع البت كله.
