نجاحك مش متوقف على حد غيرك

ايه هو مفهوم النجاح فى اعتقدك ؟ هل انك تبقي شخص معروف ب انجازاتك ، ولا انك  تبقي زو قيمه قدام الناس ؟الحقيقه ان احنا ف الحالتين بنتكلم عن رؤيه الناس ليك مش رايك انت ف نفسك ويؤسفنى اقول ان مش ده النجاح الحقيقي. اه عشان اكون صادقه مفيش حد مش فارق معاه وجه نظر الناس ف نجاحه .بس احنا ليه دايما لازم نورى الناس،ليه دايما فرحتنا بنفسنا لما حد يسقف لينا ويقول لنا برافو بنحس ان الانجاز اللى عملناه له قيمه فعلا مع انه هو كدا اساسا ، يعنى مثلا خلينى اوضح بمثال : لو انت عملت شئ عظيم اوى ونجحت سواء حصلت على جامعه كنت بتحبها ،مجموع عالى ف الثانوى او وظيفه مرموقه جدا صعب الحصول عليها وجت الناس شجعتك عليهاا اوى هتحس بالانجاز ساعتها ! معقول ! طب ماتيجوا نشوف الواجهه التانيه لو حد قالك على فكره اى حد يقدر يعمل اللى عملته ده شئ عادى ساعتها انا متاكده ان اى شخص معندوش ثقه ف نفسه ولا تقدير ل نجاحه ولا تعبه هيحس ان فعلا كلامهم صح. عايزين نربط الشخصين ببعض ونوضح فكره ان النجاج هو نجاحك انت لنفسك وانك بجد تبقي الداعم الوحيد ليك محدش بيحس بتعبك فى الرحله ولا بيكون معاك ف بلاش تخلى متعه وتقدير الوصول ليهم ….( زى ما الرحله تعبها كان ليك انت بس خلى فرحه وتقدير قيمه الوصول ليك انت بردو بس )                                                                                                                                                                      وفى نهايه الكلام  لو عاوزين رأيي انا ف النجاح ، انه مش لازم تكون حاجه صعبة الوصول خالص ممكن تكون حاجه بسيطه جدا بس انت الوحيد اللى بتعرف تعملها بشكل مكمل او محدش يقدر يعملها زيك حتى لو كانت كبايه شاى …..    احنا مش جايين  الدنيا عشان طول الوقت نثبت اننا ناجحين وشاطرين حتى لو فشلت فا شرف المحاوله ده نجاح …

#لعبه الحياه 

عيش ل نفسك وانجح لنفسك الطريق ليك والحياه حياتك متستناش حد يشجعك ف نص مشوارك لكن لما توصل كله هيسقفلك انجح ،انجح اوى كمان …… ومتنساش ان حقك على نفسك انك تكون فخور بيها دائما وابدا ،،،